Program: ACP Tokura igivim tribute gen long late Popui na Hukambari

Moa long tupla mun bihain long em ibin dai, bodi blong late Police Inspector John Popui ikamap nau long ol bai planim long peles blong em long Buin long South Bougainville.

Late Inspector Popui ibin dai long Buka Hospital long namba 11 blong mun Oktoba bihain long em i pilim pen long chest blong em, na bihain oli kisim bodi blong em igo long Port Moresby, long last wiken tasol oli bringim go bek long Buka.

Mr Popui ibin Commander blong Buin Police Station taim em i dai...sampla dei tasol bihain long Commander blong Southern Region, Chief Inspector Prichard Hukambari ibin dai.

Bodi blong late Chief Inspector Hukambari oli bringim bek na planim long peles blong em long Popondetta long Oro Province.

Chief blong Bougainville Police, Deputy Commissioner Francis Tokura isori tru long lusim tupla top officer insait long Southern Command.

Mi askim Mr Tokura long stori pastaim long legacy blong late Inspector John Popui olsem wanpla polisman.