Program: Solomon Islands no redi yet long State Gavman

I nogat wanpla long 9pla provins blong Solomon Islands i klostu redi long kamap olsem ol state aninit long wanpla Federal sistim blong Gavman,

Ol Civil Society Organisation long Solomon Islands i harim displa long wanpla briefing last wik we ol lain blong Constitutional Reform Unit long Office blong Praem Minista iwok long mekim raun long kantri.

Solomon Islands ilaik long senisim displa unitary sistim blong gavman em igat nau we olgeta power istap tasol nasinol Gavman long Honiara, na mekim ol provins i kamap olsem states aninit long wanpla Federal Constitution.

Tasol olsem CEO blong Solomon Islands National Disability Forum, Casper Fa'asala itok, ol CSO i wanbel olsem ol provins ino redi long kamap olsem states.