Solomon Islands hem folom Fiji olsem tufala kantri wea garem ravis nem long wold long saet long vailen agensim woman folom wanfala ripot blong World Health Organisation.
Samfala man long Solomon Islands olketa kam aot long social media fo kwestenim riport and oketa advocate blong rights blong olketa woman and pikinini i difendim wanem ripot ia hem faendem aot.
Wanfala long olketa liding N-G-O long faet fo protektem rights blong olketa woman nao hem disfala Family Support Centre, and chairlady Anika Kingmele hem se, hem garem nid fo lukluk moa long hao olketa karem aot advocacy program long kantri.
ABC Niusmere Chrisnrita Aumanu Leong hem askim Ms Kingmele long tingting blong hem long disfala ripot wea hem putum Solomon Islands olsem wanfala long olketa worst ples long world long violence against women.
Image Details
Solomon Islands polis mekem woka yet long dai blong wanfala Chinese woman (FB poto: RSIPF)