Vice President na Attorney General blong Bougainville, Ezekiel Masatt itok Bougainville igat ol narapela option or rot aninit long law blong kisim independence, maski Papua New Guinea Palamen i oraitim displa 2019 referendum risalt or nogat.
Joint Supervisory Body miting blong tupala PNG na ABG Gavman long Port Moresby last wik ibin tokaut pinis olsem risalt blong displa referendum we ilukim klostu 98% blong Bougainville i laikim independence, bai em i go long PNG Palamen by June 2026.
Mr Masatt itok ol pipol blong Bougainville i mekim klia pinis wanem oli laikim so Nasinol Palamen em mas endorsim tasol risalt blong displa referendum, na ino long mekem narapela vout gen antap long samting ol pipol blong Bougainville ibin vout pinis longen.
Credits
Image Details
Bougainville Vice President and Attorney General, Ezekiel Masatt