Igat wari long Vanuatu olsem sam blong ol seasonal workers long ovasi, oli save dimandim woman blong ol long oli givim nogut piksa mo video blong ol yet, bifoa ol man blong ol sedem mane go long ol.
Coordinator blong Vanuatu Women's Centre, Tatavola Matas hem ibin tokaut agensim pasin nogut ia taem hem i toktok long lonch blong 16 Days of Activism agensim Gender-based Violence long Port Vila last wik.
Tatavola Matas hem se plande ol man Vanuatu mo ol narafala Pacific aelan kantri we i go duim seasonal wok ovasi oli no mekem kaen nogut pasin olsem, bat hem se kaen sexual abuse blong ol mama mo yang gels hem mas stop.
CEO blong Vanuatu Human Rights Coalition, Anne Pakoa tu hem tokaot agensim fasin blong demandim sex photo or video blong woman bifoa man hem save sendem mane.
Be Ms Pakoa hem askem kwesten tu se ol hu nao ol woman we oli sendem nogut piksa olsem blong ol...hem ol wife or nogut hem ol mistress nomo we oli sendem piksa blong askem mane.
Credits
Image Details
Port Vila 16 Days blong Activism march (Vanuatu Women's Centre)